陳庭欣呂慧儀無懼「新咪神」來襲

藝人陳婉衡憑火辣身材上位，陳庭欣早前則被無綫欽點為「U20」領軍人物，大有機會成為巴西奧運節目的大使！來勢「胸胸」的陳婉衡似要挑戰其地位。陳庭欣接受《東網》電話訪問時說：「冇咩話威脅嘅，大家都係幫公司做嘢，最緊要做好自己嘅工作先，呢排都多咗好多工作，好似活動嘉賓、做主持咁，等公司安排啦！」對於「U20」隊個個都樣靚身材正，她說：「多啲人熱鬧啲，佢哋年紀細過我，有青春活力，等多啲人留意奧運。」

呂慧儀唔擔心新咪神搶Job

昔日無綫咪神呂慧儀榮升人母，問到可會擔心被新一代咪神陳婉衡和張秀文等搶工作？她笑言不擔心：「趁後生騷吓本錢係好事，我又唔擔心嘅，因為百花齊放係好事，公司多靚女我不知幾開心。」

已擔任美容院代言人四年的慧儀表示合作關係良好，不擔心被取代，她說：「客戶有唔同Target，可能唔係換咗我而係用多個呢，咁咪仲好，有錢齊齊搵。」她強調沒有封胸，仍會在適當的場合性感：「我都要顧我個仔感受，第時佢大咗問媽咪點解着咁少布咪弊！」