周柏豪嗲聲嗲氣挑機百變王菀之

女星王菀之（Ivana）及周柏豪現身有線節目《電影蒙太奇》宣傳電影，Ivana在新片《沒女神探》中飾演一位強悍警花，因秘密任務而化身臥底o靚模，既考演技又考功夫。Ivana笑言扮演o靚模冇難度，最困難是動作場面：「導演要求我又要打得，又要Fit，雖然我跟武指學咗幾個星期，打落都算有板有眼，但導演最後都係搵咗個同我好似、又身手敏捷嘅替身上陣。（失望？）完全冇！我仲希望九成動戲都用佢，相比之下佢真係打得好好多、好出色。」

演姿整男緊張到濕晒

Ivana在片中大膽挑戰多個性感靚模造型，女僕、校服Look樣樣齊，拍檔周柏豪笑指「排球Look」最正：「人哋o靚模打排球會內八字腳，好含蓄，Ivana就偏偏係外八字，好鬼騎呢！」 造型百變令人看得目不暇給。

相比Ivana的飆悍，柏豪飾演的「姿整男」亦相當考演技，他笑說：「我上網搵咗好多女性化嘅男仔參考，模仿佢哋啲小動作，學佢哋扭扭擰擰，嫵媚眼神，同埋陰聲細氣。初頭開拍時片場有好多勁Man嘅攝影師望住，搞到我好鬼尷尬，緊張到成個背脊濕晒。不過之後習慣咗就連食飯都嗲聲嗲氣，完成投入角色。」