王菀之街頭快閃彈鋼琴

歌手王菀之（Ivana）出席街頭快閃彈琴活動，即場與鋼琴家羅乃新在街市中央合奏，吸引近百圍觀者，Ivana坦白能和羅乃新合作感榮幸，她說：「件事好夢幻，佢係一個好出名嘅鋼琴家，當年我參加鋼琴比賽輸畀佢啲學生。」手持買餸籃的Ivana表示活動後要買餸，她說：「當年我經常嚟呢度，因為係婆婆湊大我，成日嚟買餸、買玩具，勾起好多回憶。」

問到廚藝如何時？Ivana說：「想整五花腩，我都係跟食譜，如果唔好食會將本食譜上載網上。（學煮飯準備嫁人？）本身我鍾意食嘢，一直想開咖啡店，但租金太貴。」問到男友「Figure王」蘇卓航（Eric）有否讚其手勢？Ivana說：「一時時，如果係麻麻哋，我會自己食晒佢，佢最鍾意食檸檬蛋糕。」