王菀之唔恨做笑匠　周柏豪將乸型釋放

藝人周柏豪、王菀之（Ivana）、莊思敏和蔣志光等在旺角出席電影《沒女神探》首映禮。問是否對票房有壓力？周柏豪和王菀之均笑言「靠晒對方」，所以一定會報捷。問Ivana會否包場，她謂：「一定會，請Fans Club同親朋戚友，支持吓自己。（請埋男朋友？）我諗我唔使請佢自己都會買飛。（今日唔帶男友？）咁多人，今日我係周柏豪嘛！」問柏豪為何不帶女朋友前來支持？他就學足Ivana口吻：「冇，咁多人，今日我係王菀之嘛！」

談到戲中Ivana被林盛斌笑「你真係完全冇波喎」，問對自己身材有否信心？Ivana笑謂：「自己就好難咁講嘅！（現實生活有否被人笑？）從來都冇喎又！（男朋友都好滿意你身材？）我諗佢所有嘢都滿意嘅應該，或者佢唔滿意唔同我講啦！」

問柏豪女友會否頂唔住他的乸型演技？他謂：「其實入邊啲性格就一直埋藏喺我心裏面嘅，冇機會釋放出嚟，呢部戲我都覺得為自己舒一口氣。」

問Ivana可有信心成為新一代女笑匠？她認為自己定型會太早：「好多戲都未試過。」但始終覺得拍笑片有意義，可以令觀眾開心。