黃耀明爆王宗堯係大眾「男神」

藝人黃耀明、盧凱彤（Ellen）與王宗堯出席同志平權運動的宣傳活動，並預告在活動當日邀請到盧冠廷、何韻詩等歌手為同志發「Sing」。

身為主辦單位之一的黃耀明在台上表示，對於香港同志平權「我們還未得勝」：「見工世界各地，尤其美國嘅平權法、婚姻法推出，畀咗好多鼓舞。我哋身為國際大都會，唔應該咁落後，要加把勁，香港呢個地方要學做個國際大都市。」他又表示今次活動破例得到宗教團體的支持：「自己曾經係信徒，外面好多時都會遭到宗教團體嘅歧視同仇恨，證明有愛心嘅宗教包容性好強。」

提到何韻詩曾透露難以邀請個唱嘉賓，問到今次活動在請嘉賓時可有壓力？黃耀明表示：「今次咁多嘉賓，唔難請呀。呢單嘢何韻詩都有份，愈來愈容易架啦，希望香港人明白我哋係用溫柔方式去講呢件事，唔需要害怕。」他又特別多謝王宗堯擔任大使，大爆對方是直人及孿人界的大眾「男神」：「一諗就諗起佢，佢今年表現好好，直定孿都當佢係男神。（佢係咪你男神？）當然啦。」

黃耀明又透露屆時會與男友出席活動，又感謝前輩歌手盧冠廷的鼎力支持。另外，有樂器品牌為配合活動，特製全球獨有的粉紅色結他給Ellen演奏，並會進行公開拍賣，問到目標投的多少錢？Ellen笑說：「最少五位數啦，六位數更好，支結他本身都五位數。（自己競投？）我都想，但實有人出得高價過我，希望有人投完送畀我啦，嗰日好多有心人，唔使講咁白啦。」