果然係男神！張智霖獲美女們補祝生日

「凍齡男神」張智霖（Chilam）又大一歲！喺上星期四（27號）踏入44歲生日嘅佢，生日過咗近一星期，仲獲得一班靚女同佢補祝，男神果然係男神！

有份去生日P嘅藝人何佩瑜（Jeana）就喺網上分享慶祝相片，仲話：「Happy dinner」當中，見到仲有藝人雨僑、唐貝詩、唐紫睿、鄭欣宜同莊思敏等。咁熱鬧，當然唔少得仲有靚靚老婆袁詠儀啦！而唐貝詩期間都搵男神Chilam集下郵，又喺網上開心Share，並寫下祝福：「男神一號張智霖生日快樂！」