宋熙年想創業　搵陳智燊做生招牌

藝人宋熙年（Sarah）和鄧佩儀（Gloria）在尖沙咀出席無綫明珠台節目《顯赫接班人》記者會。大學時讀市場學的Gloria就表示自己有看上一季，了解企業家的故事，問她身穿Deep V露腰晚裝裙是否為吸引企業家，她即笑謂：「梗係唔係啦！純粹係Sponsor有靚裙。」而Sarah亦不約而同穿上露腰晚裝。

在場有不少成功人士，問她們有否打算做生意，Gloria就坦言自己心頭多：「我媽咪好鍾意食麵包，所以將來希望可以開間Bakery，或者間西式咖啡店。」但現時會以藝員工作為先。而Sarah就直言想偷師：「我有諗過做Fashion、Cocktail裙之類，但都要搵到啲好嘅拍檔合作。（男友陳智燊唔好咩？）佢着唔到晚裝！但都可以嘅，如果女裝方面成功，都可以開創男裝，搵佢做生招牌。」問她會否考慮學胡杏兒搞婚紗，她就坦言比較喜愛Causal一點的衣着。

至於與陳智燊的婚禮籌備，Sarah就指男友開劇開到11月：「唔好畀太多嘢煩佢，畀佢集中咗套劇先，主要Planning會喺佢拍完套劇先，不過都有傾吓去邊影Pre-wedding，佢嗰日話喺TVB影呀嘛！」又言若果只是其中一輯就不會介意，因為始終兩人在電視城認識，更笑指交由男方安排。至於婚禮日子，就交由父母決定。