晒囡囡正面相？周杰倫嘟嘴抱B顯父愛

東網電視

依～周董嘅粉絲網站大晒多張抱B相，唔通終於公開B女廬山真面目？

台灣天王周杰倫（周董）喺七月升呢做爸爸，老婆昆凌為佢誕下精靈囡囡。曾揚言想生夠一隊足球隊嘅周董，不嬲都好鍾意小朋友，近日佢就去咗探佢好友嘅BB，當然唔放過個BB，畀哥哥抱吓先啦！

周董嘅粉絲網站就上載咗好幾張佢抱住BB嘅相，身穿黑色外套同戴上帽嘅周董，雖然造型Cool爆，但見到BB仔個心都溶晒！周董除咗用Rock爆手勢同BB影相，仲賣萌嘟嘴o添！而BB都好聽話望鏡頭。此外，有網民都讚周董抱B嘅手勢幾純熟，相信喺屋企練唔少啦！

on.cc東網