麥明詩登台灣熱門搜尋 被封「最糗港姐」?

20150903
東網電視
更多新聞短片
麥明詩成「最糗港姐」登台灣熱門搜尋,真係唔知好嬲定好笑!
今屆香港小姐決賽已經圓滿結束,不過港姐嘅是非依然陸續有嚟,奪得港姐冠軍嘅麥明詩,除咗被傳有個牛津大律師男友之外,決賽當晚嘅「紅海」現象都被網民熱烈討論!
麥明詩喺決賽當晚,成雙料冠軍威爆,不過當去到佳麗祝賀冠亞季軍呢個環節嘅時候,一眾佳麗完全當麥明詩「透明」,淨係走去恭賀亞軍龐卓欣同季軍郭嘉文,麥明詩隨即被指「冇朋友」、「人緣差」同「無敵是最寂寞」!
因為咁,麥明詩仲登上台灣某知名搜尋網站嘅熱門搜尋,標題仲寫住「最糗港姐」,今次麥明詩真係「紅」到去台灣喇!