一直盛傳同洪永城（Tony）蜜運中嘅藝人唐詩詠，近日又被傳出同馬國明疑譜出「兄妹戀」。一直以兄妹相稱嘅唐詩詠同馬國明，一向不避嫌疑行得好埋，早前唐詩詠更被《好報》影到主動幫馬國明剝蝦殼；唐詩詠又不避嫌喺微博上載同馬國明開心share pancake同齊齊食蟹嘅相，認真Sweet！

其實又好難怪大家會誤會佢哋撻着，事關唐詩詠嘅微博又真係有好多馬國明嘅照片同短片，佢哋兩個成日黐到埋一埋，真係似情侶多過似兄妹嘅，唔知詩詠BB嘅緋聞男友洪永城又點睇呢？！