麥明詩暗示與「大狀男友」互相扶持

20150905
東網電視
更多新聞短片
到底佢同「大狀男友」係唔係拍拖,真係得佢兩個人先知……
出爐港姐冠軍麥明詩(Louisa),出身劍橋法律系兼女拔十優狀元,當選前後都被熱烈討論,感情事當然亦備受關注。近日就有消息指麥明詩有個牛津法律系畢業的大狀男友林作,但麥明詩就堅稱對方只係好朋友,更笑指牛津和劍橋有距離阻隔喎,不過佢都有讚對方叻仔!但被問到到底對方缺乏啲咩嘅時候,Louisa就話:「爭啲成熟囉!」
不過,就喺今日凌晨時分,Louisa就喺Instagram到post咗篇好長篇嘅文,主要就喺講「成熟」呢個問題喇!佢話因為當初一句「唔夠成熟」影響到好多人,仲話有「朋友」從事專業行業,令佢成為娛樂新聞嘅報道對象並唔恰當,唔希望影響到佢,仲懇求大家畀多啲空間佢哋添!最後佢仲話:「但我們正朝著(着)我們各自認定的方向前進,一路互相扶持,但願日後也能繼續。」唔知係咪暗示緊林作呢?
Louisa Instagram原文內容:「突然成為公眾人物,感情狀況受到關注,這都是意料中事。但由於一句「不夠成熟」,身邊很多人受到影響。 我問自己,甚麼是「成熟」?許多人所謂的成熟,不過是被現實磨去了棱角,為了生存變得世故而實際。但那只是精神的早衰。真正的成熟,是堅持認定了的人生方向,認清自己的喜惡,自我實現。像我參選港姐時所說的,我希望成爲「賢良淑德」,那是一種需要窮一生精力去追求的「成熟」。有朋友從事專業行業,對他來說成為娛樂新聞的報導(道)對象並不恰當。因此我一直不希望影響到他。我懇求給我們多點空間。對,他和我都不夠成熟,但我們正朝著(着)我們各自認定的方向前進,一路互相扶持,但願日後也能繼續。」