同麥明詩耍花槍　林作晒煙肉照自抽唔夠成熟

今屆港姐冠軍麥明詩（Louisa）嘅感情事最近備受關注，同「疑似」律師男友Joe Lam（林作）嘅關係疑幻似真，雖然Louisa堅稱對方只係好朋友，仲話自己同對方都唔夠成熟，但佢今日喺凌晨時分，喺社交網上載咗一篇心情剖白，話希望大家畀啲空間佢哋：「但我們正朝著（着）我們各自認定的方向前進，一路互相扶持，但願日後也能繼續！」其實，事件中嘅男主角都有表示，被指「不成熟」嘅Joe Lam（林作）就將自己個instagram自我介紹改咗做「我不夠成熟」，仲上載咗一張「煙肉」書籤自嘲：「不夠成熟的禮物. Bought from Japan. 」大律師果然係大律師，EQ相當高，同十優Louisa相當合襯！咁......算係默認咗啦！