鄭俊弘開騷大跳辣身舞 兩點盡露冧Fans
歌手鄭俊弘(Fred)在九展舉行《The Red Concert 2015紅色演唱會》,事前不時對會否騷肌賣關子的他最終放開大騷肌肉,着上白色恤衫的Fred與女Dancer大跳辣身舞,又攬着女Dancer慢舞,而他光扯開少少衫鈕時全場粉絲已歡呼,直到女Dancer從後攬着Fred,雙手扯開Fred的恤衫,露出胸肌及腹肌之餘,仲要兩點盡露,一眾粉絲更是興奮尖叫,最後Fred背對觀眾坐在沙發上,女Dancer上前作勢親吻Fred,歌曲結束後,表現害羞的Fred立即整理好衣服,有粉絲直呼「睇唔清楚」,他笑言:「蝕喇,下次啦好冇!咁大個仔第一次,好大壓力,我最享受喺舞台表演,只要大家開心就得。」
然後播出Fred小時候照片、劇照及夾Band時的照片,他笑言:「見到啲相幾得意,肥嘟嘟嘅o靚仔有自己舞台,細個拎玩具結他唱《Monica》,點知舅母全程睇住!至於打功夫係因為小學日日畀人打,我好蝦,唔出聲,舅父就話一係學功夫,而(學)結他都係佢叫,好多謝佢。」最後完結前他再次感激老闆何哲圖令他夢想成真,何哲圖更上前與他擁抱,更有粉絲送上「紅館門票」的紙牌,而Encore時他亦感謝粉絲特意從不同地方前來,坦言希望有日能到其他地方表演,最後他演唱《熊貓》為個唱寫上句號。
完騷後他受訪,對於健身及練舞都坦言很緊張,花不少時間練習,問到被女Dancer撕衫一幕練了多久?他笑說:「尋日rehearsal試咗一次,今日第二次(係你底線?)底o架喇(咁紅館點算?)試紅館再諗,我想比上年有突破(好似杜德偉咁三角褲?)佢有首歌配合嘛,我冇咁嘅信心。」至於下站是否邁向紅館?老闆何哲圖表示期望下站登上紅館,他坦言為Fred的投入演出感驕傲,對演出及製作都很滿意,甚至比上年出色,另外今次個唱他同樣唱了很少自己的作品,問到其原因?Fred表示:「配合返多啲跳舞同熱鬧啲,今次唱晒Plug嘅歌同劇集歌,仲有首未Plug嘅新歌,係第一次表演。」Fred指個唱翌日已要工作,問何哲圖會否給予假期?他說希望九月尾有時間讓Fred放假,讓他休息後再重投工作,然而問到姜麗文有否向他說加油時,Fred卻表明不再回應。