江美儀肥咗男友好滿意：有啲嘢畀佢揸吓

藝人江美儀出席導盲犬活動，已擔任該會的關愛大使兩年的她，認為協會的工作可幫助視障人士，十分有意義。

即將投入拍攝電影工作的她，表示將要忙碌幾個月，明年初亦可能參演舞台劇，被問會否無時間休息？她說：「我都休息咗幾個月啦，真係心廣體胖，依家120磅，係歷史上最高！」談到男友吳君祥對其身型是否滿意？她笑言：「滿意，有啲嘢畀佢揸吓，我係指手臂！」