張繼聰撐封視后　楊怡：投完要影畀我睇

藝人張繼聰及楊怡於深水埗宣傳劇集《收規華》，在街頭收集市民指模，引來市民圍觀，場面逼爆。張繼聰大讚劇集好睇，又謂收到朋友訊息大讚。問到其囝囝的相關評價，他說：「剛剛去完旅行，佢無咩點睇。（唔畀佢睇？）比佢睇但係會用方法話佢知個角色係忠嘅，家長教育真係好重要架。」他又表示拍畢劇集後，與其他演員建立了真友誼。至於有否信心於年尾的頒獎典禮中奪獎，他笑言:「我有信心...去坐囉！我對獎項一向都平常心，不過真係希望阿怡攞視后。」

楊怡被問到胡杏兒離開無綫，會否令她爭奪視后的信心增加，她表示：「識我嘅人都知我唔係為獎嘅，反而覺得胡定欣喺《鬼同你OT》做得好好，好大突破，會支持佢！」在旁的張繼聰就謂會投票給楊怡，楊怡說：「你投完可唔可以影畀我睇？」張繼聰即謂：「咁你即係唔信我啫。」鬥嘴場面十分搞笑。