網購避彈衣累事!趙碩之涉藏軍火

20150908
東網電視
更多新聞短片
趙碩之今次真係擺咗個大烏龍喇。
泰國曼谷四面佛上月中發生爆炸,一名香港記者帶避彈衣赴當地採訪,結果被泰國警方以違反管有武器規定拘留,沒料到有「大頭蝦」之稱的趙碩之卻在不知情情況下,差點令自己和師弟古天祥惹官非。
古天祥避過一劫
事緣天祥於網上上載一張Wylie的照片,並寫上「師姐險送我入監牢!」原來日前他赴泰國拍攝廣告,基於當地曾發生爆炸,Wylie擔心天祥安全,故托朋友在網上購了一件避彈衣讓他傍身,沒料到最終因郵遞延誤,未能讓師弟在離港前收到。不過其實香港亦不能擅自收藏避彈衣,因避彈衣屬軍火類別,若私藏該類物件即屬違法,故今次Wylie可謂闖了大禍也不知道。
《東網》昨日致電Wylie,她驚魂未定表示:「真係好驚,我即刻請教個律師朋友,好彩佢個仔有玩War Game,件避彈衣係打War Game用嘅戰術背心,開頭真係好驚,唔知咁係藏軍火,以後我會小心,今次真係大教訓。」
另邊廂的天祥,亦因師姐郵遞延誤錯有錯着,避過涉嫌違法。記者致電現已回港的天祥,他表示泰國氣氛平靜,並感謝師姐好意:「佢都唔知香港藏有避彈衣係犯法,之前去第二度都冇留意,有個記者帶避彈衣去泰國被拘捕,如果我都冇睇又收到嘅話,咁就出事啦。」
彭于晏泰國開工
其實泰國市面已恢復平靜,部分藝人近日亦陸續赴當地公幹,如台灣型男彭于晏已抵達當地準備新戲角色,更透過社交網上載騎車受訓相,不少粉絲見狀都留言叫他要萬事小心。而發生爆炸案時已身在當地的導演林超賢,至今仍繼續留守為新戲開工。