岑麗香冇信心封視后：未到呢個Level

藝員岑麗香以Deep V造型現身「戲勢磅礡 好戲連場」48周年台慶劇記者會，談到今日以性感造型示人？香香笑言：「同平時啲Deep V係有啲分別嘅。」

講到其主演的《無雙譜》成為台慶劇之一，對於自己的表現，香香既緊張又期待：「因為一個人要做兩個角色，都係一個挑戰，一個就可愛，一個就奸嘅，仲要係千金小姐，要着住古裝講古代對白。（有信心做視后？）自己未到呢個Level，但拍攝時都好努力。（睇好邊位封后？）自己有睇《鬼同你OT》，好鍾意田蕊妮、胡定欣同陳豪嘅角色。（睇好阿田定係定欣？）佢哋兩位嘅演繹方法好唔同，好睇觀眾點樣睇。」