歐陽震華轉軚恨攞視帝：我依家CHEAP咗

萬綺雯（蚊蚊）與歐陽震華（Bobby）等現身「戲勢磅礡 好戲連場」48周年台慶劇記者會，Bobby大合照時企正中間，他事後笑言「位係自己霸嘅」。問Bobby有否信心拎視帝？一同受訪的蚊蚊即笑言：「我哋會全家一齊投畀Bobby，幾圍枱咁投。」Bobby則笑言已經投入拉票戰團：「自己開始拉緊票，唔係就會冇人要。」

談到視帝獎項，Bobby笑言：「諗法比以前CHEAP咗，以前唔志在，依家不知幾志在！（覺得邊個係最大對手？）邊個攞獎我哋都一樣咁開心。（祥仔做對手？）佢唔係對手，係兄弟！但佢兩套我一套，點鬥？唔會諗咁多，陪跑已經當贏。」

問蚊蚊有否信心爭視后，她說：「年年都係咁答架喇，就係平常心囉！」談到主演的台慶劇《東坡家事》，Bobby表示：「拍呢套劇女仔最辛苦，因為喺大陸拍嘅時侯落緊大雪，自己當時好肥，着晒羽絨打底，其實蚊蚊都想着，但導演話出咗街你會後悔，佢就唔敢着嘞。」