亞視冇挽留　秦啟維Last Day有新發展

約滿亞視的秦啟維下午近12時離開亞視，坦言今日是Last Day，回去領取其八月份薪金，他說：「幾得意，始終喺間公司做咗22年，都係我第一份工，好似喺個家庭成長咗，應該去第二度嘅感覺。」

談到中國文化傳媒國際控股有限公司成亞視新股東，問到此時離開會否感到可惜？維維說：「少少啦，可能佢哋依家天時地利人和，我嗰時個約唔喺呢件事發生，幾日有好多改變。（公司冇留你？）暫時冇。」並謂不排除日後再與亞視合作：「我哋同公司關係保持好好，如果佢覺得有能力用到我，我咪返嚟幫手囉。依家好似朱慧珊咁，畀自己休息吓、諗吓方向，因為有好多嘢都進行中。」提到免費網絡頻道「A記」的動向，擔任製作的他透露有機會跟一個幾好的公司合作，一切待落實後再公布，而目前自己則與一些電視台洽談中。

問到對亞視新股東有甚麼看法？維維說：「只係佢有錢掉落嚟去製作，我覺得係件好事，依家最緊要有『水』，有『水』就可以做啱香港人睇嘅節目，唔使咁多重播，對公司繼續申請發牌係好事。」