首擔正男主角　林德信做靚仔吸血殭屍

男星林德信（Alex）出席活動時，表示近日忙於錄製新歌及為新片《死開啲啦》宣傳。首次擔正男主角的他坦言非常期待：「係第一次擔正男主角，都有少少滿足感，希望分享感受，而且對今次嘅project有信心，得到好多支持。」又大談戲中角色：「我係飾演吸血殭屍，我細個好鍾意睇殭屍片，鬼佬靚仔嗰啲，戲中造型都係靚仔殭屍。（拍前睇殭屍片取經？）始終劇本故仔好有個性，冇乜點用到其他電影嘅角色。」問到女友松岡李那有否讚造型靚仔？他說：「冇，自己都有post出嚟，大家都好鍾意，覺得靚仔。（女友畀幾多分？）唔知，你問吓佢。」

談到中秋節如何度過，他表示與家人食飯慶祝，至於會否帶女友一同玩燈籠感受中秋節氣氛？他說：「好耐冇玩，其實冇乜點去計劃節目，只係希望屋企人去睇我新戲首映。」