求咗婚未？羅仲謙大賣關子：會心微笑囉

正在台灣趕拍星皓電影《泡沫之夏》的羅仲謙，特意返港半天，出席抗癌活動講座，期間聽到康復者講述抗癌經歷更眼濕濕，期後即乘飛機返台繼續開工。

聞楊怡扯開話題

接受訪問時他表示自己離港7個月拍了2部電影，即被追問有冇掛住楊怡，此時8月28日生日的他即表現靦腆，更半扯開話題謂：「係咪應該同我講生日快樂先？生日嗰時有短訊，送禮物嘅嘢就唔使公開講啦。（中秋節楊怡會飛去台灣陪你？）我會同工作人員過，每個人都有屋企人，等我返嚟先啦。」

談到在活動上「眼濕濕」，謙謙坦言：「我畀佢哋嘅經歷感動到，人大咗要學識感恩。（人大咗計劃結婚？）2、3年前我計劃買樓，都係覺得人生一步一步嚟，可惜最終買唔成樓啫。（咁有結婚對象啦）你寫我會心微笑囉。（求咗婚？）都話會心微笑，點解唔如實報道啫？」

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。