楊明續約首選無綫：係五星級的家

藝人楊明現身電台宣傳劇集《收規華》，講到收視，他謂都有24、25點，但希望結局篇可以收視更好。他亦透露現時忙拍《巨輪2》，下月中會到澳門取景一個半月，坦言如有中間有空檔會走回香港。

至於講到最近很多小生花旦離巢，他則謂可能他們想出去闖，問到可覺自己會增加機會？他則謂：「公司都畀左好多機會我，睇吓自己把唔把握到，但都會盡量做好自己。（想唔想番內地賺多啲人仔？）都想賺多啲錢嘅。（仲有幾耐約？）兩年幾，TVB未同我傾續約嘅事。（會唔會續約？）由訓練班到依家都成16、17年，TVB令我有家的感覺，係五星級的家，台前幕後都識，掃地阿姐、監製都識，除咗中學，TVB就係我第二個留咗好耐嘅地方，所以首選都係TVB。」