樂瞳呻同圈內人拍拖辛苦

嬌小、可愛等字眼經常被用作形容童顏不老的樂瞳，今次她在無綫新劇《陪著你走》飾演歌手張振朗的助手，二人相戀甘苦與共實為令身份卑微的樂瞳更惹人憐愛。作為一個默默在背後支持愛侶同時將自己掩藏的人，此等秘密愛戀樂瞳亦似曾相識，回憶起與前男友的經歷，而對方是半個圈內人：「已成過去喇，係曾經都有過呢啲痛苦。」樂瞳對於當時需見人要封嘴，約會亦要包到實一實再「前後腳」的拍拖方式習以為常，甚至在公開場合碰面亦需裝作陌路，而現在的樂瞳已不想再重蹈覆轍。

樂瞳最近雖然亦忙於錄影以消夜為題的飲食節目，惟她未見增胖，她表示最近每天運動，用盡分秒保持理想體態：「唔好睇少嗰幾吓懶人運動嘅動作，真係有用，只要你肯郁！」可惜在她有機會在鏡頭前展現成果時，在節目《超強選擇1分鐘》卻與張秀文「貨比貨」：「所以我咪收埋咪做得啱！唔好相形見絀！不過都多人睇到，話我瘦咗！畀人見到瘦都OK！」

其實樂瞳雖慶幸不斷能在電視上以「女」或「妹」的身份演戲，不過她認為自己的年齡已到轉型的時間，最近多走健康性感的路線希望帶出成熟女人味「脫嫩」，說：「作為一個演員，我最想係挑戰唔同嘅角色，畀到觀眾唔同嘅樂瞳。」