周國賢拍MV企到腳痹　麥浚龍自認麻煩導演

麥浚龍（Juno）以一個十年故事性角度出發的最新唱片，自年頭推出的《念念不忘》、之後與莫文蔚合唱的《瑕疵》、再到與謝安琪的《羅生門》，引爆全城熱烈討論，樂迷十分關心故事接下來的發展，一個十年的故事終於來到最終章《雷克雅未克》，今次Juno找來周國賢擔（Endy）住故事中另一位男主角，《雷》承接《羅生門》的結尾，續說出男生單身赴會走到世界的另一盡頭「冰島」，到步後道出對過往感情的一份執着和體會。

作為始創者及監製的Juno與填詞人Wyman認為《雷》作為該故事最合適而完滿的結局，同時亦是另一個故事的開始，對此結局Juno說：「每個人往往對自己嘅愛情故事總自認係驚天動地可歌可泣嘅，但真相其實千千萬萬個嗰種驚天動地可歌可泣嘅愛情故事，每天每時每刻都喺世界上唔同角落正在上演。」

Juno構思《雷克雅未克》時已屬意邀請Endy作曲，以及演繹歌曲尾段，Juno說：「同Endy喺音樂合作上已經唔係第一次嘅事，合唱就係首次，大家識咗多年，畢竟大家年紀都長大咗，他作曲風格都唔同咗，當然，我嘅聲音同想法都改變咗。我哋合作，隨着年紀增長而撞出另一種火花。今次拍MV我有唔同要求，依然係採用一鏡到尾嘅拍攝手法，拍攝前Endy試咗好多次走位，務求準確地配合燈光及拍攝機器。」

Endy拍MV企到腳痹

雖然Juno及Endy移動位置不大，基本上是站在同一位置，由於要配合燈光及攝影組的精準拍攝，所以二人不可隨便走動，Endy表示第一次拍MV企到腳痹，Juno笑言自己是一位麻煩導演，為了MV的效果完美，要Endy罰企來配合他的要求，他說：「其實要達至完全唔郁，遠比體力勞動更難。」經歷七個小時拍攝，MV效果完美，全場工作人員報以掌聲答謝Juno及Endy的辛勞演出。