胡杏兒轉投新公司靠男友做軍師

藝人胡杏兒離開效力多年的無綫，轉投蕭定一旗下的中國3D數碼娛樂，亦由「電視人」踩入電影圈，在公布消息前，杏兒直言傳媒的追問令她感到有壓力，幸得男友Phil的專業意見令她多番考量下決定與蕭定一簽約，她說：「報道淨係話佢投資夜店，但其實佢正職係做獵頭公司，已經有十幾年經驗，佢就幫我分析，叫我自己揀。」

至於是否投入影圈？她謂公司的確承諾為她開戲，又會拍攝內地的劇集，即使拍劇拍到熟的她，亦謂返內地拍劇是新挑戰說：「要講普通話，都係一個挑戰，要強化自己能力！」有指她以3,500萬元簽約，杏兒笑言是商業秘密，對於被指與公司傾掂數會隨時嫁人，她說：「依家我咁嘅年紀，呢方面都係考量之一！」

多謝男友包容

如今事業愛情兩得意，杏兒直言要多謝男友，她說：「喺我身邊嘅男士壓力的確會大啲，始終藝人多話題性，但對佢就唔公平，好多謝佢包容，選擇咗喺埋一齊就要面對！」提到男友就甜絲絲的她直言，二人現在相當穩定，有指二人年尾結婚，她說：「依家啱啱先簽咗新公司（唔係年尾？）有消息會通知大家啦！」