無綫等人用　Bobby：早年香港生育率低

藝人歐陽震華（Bobby）投資的食店在銅鑼灣舉行開幕禮，老友陶大宇、萬綺雯（蚊蚊）、阮兆祥、商天娥及黃長興等到賀。

Bobby說：「呢間已經係第3間，之前兩間喺筲箕灣同銅鑼灣，呢間好處係有VIP房，可以畀好似蚊蚊呢啲怕醜女仔一啲空間，呢間舖試業咗半個月，晚晚爆滿，朋友約我嘅飯局都排到密密麻麻。（你呢間舖上手係范振鋒，怕唔怕呢個位難經營？）我都開到第3間啦，我哋晚市非常OK，舊嗰間銅鑼灣店不知幾爆棚。」

讚蝦頭犀利

Bobby對於無綫要藝人簽長約，他說：「個別啫，唔可以一概而論，我一年一部或兩部，簽我20年都冇用啦！（港姐未讀訓練班就上陣演戲？）等人用就梗啦，早年香港生育率低嘛！橫掂都要做，早啲實習咪仲好，作為資深演員，培育後生都係我嘅責任。《東坡家事》全部資深演員，最淺嗰個就係黃心穎，蝦頭（楊詩敏）直頭犀利過我添啦！」