吳業坤向難度挑戰揚言追港姐冠軍麥明詩

吳業坤昨日宣傳無綫劇時，竟被麥包踢爆打算膽粗粗越級追求出爐港姐冠軍麥明詩，吳業坤更拍心口敢於挑戰：「我有成就咪得囉！」可是麥明詩不但指不認識對方，更遙距請他食檸檬：「佢都係講吓笑啫！」

藝人龔嘉欣、麥包和吳業坤等昨日在荃灣出席無綫劇《愛．回家》之「中秋愛相隨」活動，訪問時麥包大爆吳業坤想追出爐港姐冠軍麥明詩：「佢話請我食飯，但成三個星期都仲未請，所以我就爆佢。（佢得把口咋？）暫時係囉，佢有咩資格行動，佢都未考到十優。」吳業坤知道被「出賣」後即謂：「我有成就咪得囉！」認真有志氣。

另外，港姐冠軍麥明詩、龐卓欣、郭嘉文和林凱恩昨日到尖沙咀出席活動，有指無綫打算以十年合約誘她們拍劇，正與無綫洽談的麥明詩指除了年期外亦要考慮工作機會，就算拍劇亦會入藝員訓練班由低做起。講到吳業坤有意追求麥明詩，麥明詩在電話訪問中指私下不認識對方：「都冇聽過佢話追我，亦冇人轉達過，相信佢都係講吓笑啫。」