細仔百日宴 Fit爆翁嘉穗笑似新手媽咪
20150921
東網電視
更多新聞短片
翁嘉穗生完細仔Kaspar後，已明顯修身成功。
41歲前港姐翁嘉穗為現年61歲富商老公鄔友正再添一子Kaspar，早前便為Kaspar舉行百日宴。當晚換上粉紅色及紅色兩襲裙子的翁嘉穗已明顯修身，她手抱着兒子Kaspar拍照，洋溢幸福笑容，而穿上紅色褲仔肥嘟嘟的Kaspar，亦乖乖睡於媽咪的懷內。
餵人奶冇覺好瞓
會場內掛滿鄔家一家四口的照片，大仔抱住細佬Kaspar拍照，非常開心，翁嘉穗說：「細仔同大仔相差15年，大仔準備去外國讀書，到時大仔走咗，有細仔陪我，好平衡。（湊BB點？）咁耐冇湊，我變咗新手媽咪，不過我都係40出頭，身體都應付到，餵咗三個月人奶，都冇覺好瞓。（老公有冇獎勵你？）佢不嬲好錫我，11月我哋會去英國過二人世界。（到時會唔會再意外懷孕？）吓！唔會啦掛！」
她指百日宴由專業派對搞手負責，更邀請RubberBand成員阿正和女友黃淑玲任表演嘉賓，因她與黃淑玲曾一同參加選美，兩人更老友鬼鬼。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。