【走失狗】李玟跑山追狗：跑咗兩條街

歌手李玟（CoCo）到電台接受雷頌德的訪問，她表示經朋友介紹認識對方，稱雙方從未合作過，但雷頌德提她曾在2001年合作廣東碟，才令CoCo恍然大悟：「證明佢冇老人痴呆，佢好清醒。」她透露有意再出廣東碟，近日正積極籌備翻唱碟，其中翻唱貓王（Elvis Presley）的《Always on My Mind》更是媽媽媽指定的飲歌，她表示媽咪與奶奶聽完翻唱版本後，感動得流眼淚。問到老公可有點歌？她笑說：「我話下次先啦，佢鍾意啲歌唔適合呢隻碟。」

CoCo表示日前在坐車時，在公路上發現有「甩繩」小狗，主人吃力地尾隨追狗，身為愛犬之人的CoCo二話不說跳車幫手捉狗：「我跳車截住佢，點知隻狗又彈開，最後搞到我又追住隻狗，最後跑咗兩條街，都係搞唔掂，最終要放棄。」她又笑言若然平日自己走失狗狗，也希望也有人幫忙捉狗，但笑言今次這頭小狗太過精明，追不到牠：「狗狗要走佬，可能佢唔開心呀，我仲要係向山上跑，當做運動啦。」