溫兆倫凌晨自爆生女 暫時改名「溫柔美」
又係凌晨有話兒嘅時間啦！近排藝人堅係有舖癮，好鍾意喺凌晨時間，喺社交網將事情公布天下。已長駐內地發展嘅藝人溫兆倫，喺凌晨時間上載一張抱B相，仲寫下：「親愛的女兒，祝福你永遠都幸福快樂。」之後，仲有一位大陸演員邱東江留言祝福「溫哥弄瓦之喜！！！」
由於溫兆倫同佢老婆趙庭之前都毫無先兆，完全冇喺微博宣布過話有喜，所以呢個突如其來嘅抱女相微博一出，即刻搞到啲網民好迷惘。網民紛紛留言恭喜，《東網》記者聯絡溫兆倫的經理人吳小姐，吳小姐表示溫兆倫目前想專注照顧初出生的女兒，不欲被打擾，故未有回應一切提問，不過就代表溫兆倫感謝大家的祝福。
提到有指囡囡將取名「溫柔美」，吳小姐表示:「暫時是，但一切等溫兆倫自己回應」。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。