宣萱自認「甜品控」　最愛Cheese Cake

藝人宣萱到尖沙咀出席「粉紅甜品活動」，響應乳癌、卵巢癌及前列腺癌關注月。宣萱自認「甜品控」，晚餐後要吃過甜品才感覺圓滿，問到何以食極唔肥？她笑說：「咁又唔會食好多，有時一班朋友每人食少少，我最鍾意食Cheese Cake。（有冇試過自己整？）有兩次，但整得太硬，唔太成功！（畀身邊人試過？）畀個整嘢食好叻嘅朋友試先，等佢做白老鼠，再教下我，到遲啲進步咗先再整畀人食啦！」

提到活動為癌症病人籌款，宣萱表示曾有身邊朋友患上嚴重疾病，令她感觸良多：「驗身真係好緊要，自己年年都會Check。（平時幫自己摸胸預防乳癌？）都有，但唔準，始終要靠醫生，而且有時係基因問題，未必咁易Check到。」工作方面，宣萱表示11月將參與演唱會上台獻唱，正跟張崇德練歌藝：「雖然係唱番之前《難兄難弟》嘅歌，但錄碟又唔同唱Live，壓力大好多，所以要搵人陪我合唱。」