劉嘉琪唔介意做奸角　最想學徐子珊

模特兒劉嘉琪（Kanice）近年開始嘗試演員工作，陸續參與電視劇的拍攝，她說：「依家專注拍戲多啲，以前覺得麻麻地，依家就覺得好玩，可以試唔同角色！」問到會否介意做反派，好似之前楊秀惠在《鬼同你OT》中，飾狐狸精般的角色，Kanice即說：「我好想做奸角，因為發揮大，而且本身個樣Cool Cool地，又有鳳眼。」雖然Kanice知道演反派後，有機會被定型，或被入戲的觀眾討厭，但她說：「我唔驚，因為係證明做得好！」

在女演員中，Kanice最想學習的對象是徐子珊，說：「我覺得我個樣同子珊一樣，都係比較Cool啲，唔出聲好似好惡咁！平時我都會睇佢做戲，參考吓！」