【一屋餅印】湯盈盈唔怕B女似錢嘉樂

藝人錢嘉樂今日約於下午一時四十五分駕車攜大女錢凱晴抵埗醫院，探望太太湯盈盈以及剛出世的幼女Kassidy，不過凱晴今日伏在爸爸膊頭休息，嘉樂說凱晴原來剛剛放學，嘉樂說：「凱晴都識叫妹妹個英文名。（佢知道要做家姐分享玩具未？）反而係我同太太會緊張，要估吓幾好玩。（怕佢呷醋？）未表現出嚟，我哋都要估，所以對我嚟講係一個奇妙嘅旅程。」

之後一家四口就齊齊見傳媒，而B女契媽梁靖琪都有到場。盈盈坦言生完後第二日傷口已埋口，傷口亦不太痛，醫生都讚她犀利。說到不痛可以盡快追多個時，盈盈謂：「咁快？唔會諗呢啲住。」老公錢嘉樂即謂：「依家三條女都夠，一屋都係女人，自己冇乜地位。」

而盈盈就指細女樣子似大女，嘉樂亦謂：「一出嚟就似外母，左邊面有酒粒，趁我唔喺度，整個酒粒畀個女。」盈盈更指就算女兒似嘉樂亦不會嬲，更冧爆謂：「因為我鍾意嘉樂！」嘉樂則謂：「好公平，一個似佢，一個似我，不過似我着數啲，因為靚。」問到送甚麼給老婆時？盈盈即交戲摸自己耳仔，嘉樂謂：「耳環呀！不過都多謝盈盈，送咗兩份大禮畀我。」而細女的中文名則會由爺爺改。

另外，盈盈又提到生之前幾日，因要催生而搵按摩師幫手：「最終搵咗按摩師，第二次按完幾個鐘就生得，嚟緊會坐兩個月月，會專登學餵人奶，因為之前大女唔成功，今次希望餵細女半年至一年人奶。」當記者問到盈盈會否復出拍劇賺奶粉錢？嘉樂即護妻說：「劇就唔會拍喇，小朋友大得快，想陪住佢哋成長，搵錢嘅嘢交俾畀我啦！」

「東網巨星」fb專頁：

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。

http://www.facebook.com/onccstars