勁爆笑！歐陽震華介紹萬綺雯打針回春
20150925
東網電視
更多新聞短片
Bobby真係好好笑！轉數超快，除咗講打針，仲有好多嘢爆！
藝員歐陽震華（Bobby）、萬綺雯（蚊蚊）及張頴康在TVB電視城為台慶劇《東坡家事》拍攝宣傳片，向來搞笑的Bobby全程放笑彈，拍照時以慢動作自轉，又睩大雙眼，令身旁的蚊蚊忍不住狂笑！兩人受訪時不停互窒，Bobby更多次語出驚人，場面超爆笑！
Bobby對住關詠荷扯……
起初蚊蚊笑指Bobby是反面教材，有很多東西不要學，例如半夜會食半箱消夜：「我唔可以咁做，唔想變成佢咁。」Bobby即辯稱是幫大家買的。蚊蚊再爆Bobby在廠拍劇途中會睡着扯鼻鼾，Bobby衝口而出大講有味笑話，他說：「我對住關詠荷都有扯………………鼻鼾呀我話！有次拍戲我演昏迷，佢喺我身邊喊，佢Feel到我想瞓着就鍊吓我隻手等我醒啲。」蚊蚊笑指Bobby在硬木床上亦能睡着，Bobby說：「你瘦所以唔舒服，我成身天然羽絨，怕咩！」
曲線寸蚊蚊眼細
對於蚊蚊予人大頭蝦感覺，Bobby笑說：「佢笑嘅時候瞇晒眼，佢老公都叫我睇住佢，怕佢好似冇咗隻眼咁，睇唔到路。」蚊蚊說：「我冇你對眼咁大，我內雙，你外雙。」Bobby搞笑說：「其實你對眼好靚，係A眼，我就B眼！」現場又再爆笑一輪！Bobby再爆蚊蚊拍攝時為保暖，將暖蛋黐在腳上，但發生意外：「對腳熱到爛佢都唔醒！結果起晒水泡！」又爆蚊蚊發音不準確，會將「食飯」講成「射飯」，笑指自己較喜歡「射面」（食麵）。兩人提議再合作，但蚊蚊說：「你要買護膚品畀我！再咁笑落去唔係辦法！」Bobby再發功說：「不如我介紹你打針呀！我打咗隻人面獸心針，你就打隆胸化骨針！」兩人的對話實在非常好笑！
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。