被鬧狐狸精！楊思琦寸嘴：好好笑囉

藝人楊思琦接受電台訪問，對於日前被《好報》影到與男富商同車，更匿埋於後座扮不在車上，可惜被黑色褸出賣，對此思琦似乎有備而來說：「佢只係我嘅普通朋友，當日係約咗大班朋友食飯，佢話順路就兜埋佢，所以我哋先同車，知道有記者跟就算喇，唔去食飯。」

唔識富商男老婆

思琦繼續為「匿埋」解話：「唔係匿埋，費是影響人哋，唔想影到合照。」問到對方是否有家庭？思琦說：「就係有，所以唔好咁講。（識唔識佢太太？）唔識，佢係我朋友啲朋友，唔好嚇親人，呢排都唔好見住，真係驚影響到人。」她更多度重申：「我哋只係普通朋友。（有冇打畀佢太太解釋？）冇，大家應該體諒。」

避談匿喺後座

思琦透露有向男方道歉：「同佢講唔好意思同不幸。（架七人車係你嘅？）唔係，我請咗司機接囡囡返學，架車係個司機。（嗰個男人係富商？）係咩？唔好見人哋有啲肉地就咁講，做朋友唔會問呢啲。（你匿埋？）唔好笑我，唔好講呢啲，唔好影響人為原則。」

向網民挑機

對於被網民指她是「第三者」及「狐狸精」，思琦說：「唔係嘛？好好笑囉。」隨即串嘴向網民挑機說：「追吓劇先啦，都未發展（指自己同男富商）。（介意畀人形容為「狐狸精」？）人哋點講難控制，知自己唔係就得。（接受同已婚男發展？）冇諗得太複雜。」

「東網巨星」fb專頁：

以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。