「十年男孩」麥浚龍打造神曲靠緣分

久未推出新歌的歌手麥浚龍（Juno）不惜花了十年時間創作了「神曲三部曲」，包括有《耿耿於懷》、《念念不忘》及《羅生門》，故事形式講述「十年男孩」對前度的一廂情願，最後被徹底摧毀，由於故事、曲、詞皆將癡情細緻描述引起不少人共鳴，歌曲甫面世即有極大回響，更被封為「神作」，有網民更批Juno的三首歌必橫掃年底各音樂頒獎禮的奬項。

Juno和謝安琪合唱的《羅生門》派台後大受歡迎，在社交網絡和媒體上瘋狂洗版，連同《念念不忘》及十年前的舊作《耿耿於懷》，組成故事中那位「十年男孩」的癡戀三部曲，對於被網民狂派like，Juno覺得一切都是緣分：「其實之前喺阿Y（黃偉文）作品展上面，已經有傾過將《耿耿於懷》呢個故事延續落去，但當時我忙緊拍電影，後來又要去好多影展，而且喺時候開始寫第二個劇本，當時算係最大壓力嘅時候，做返音樂對我當時嚟講係甜品。」於是他認真開始構思故事結構，決定用全碟共六首歌解構他幻想中的男主角。

Juno的心血之作大成功，月底推出的EP《Addendum》相信是歌迷必掃之作，他說：「我開心係因為《羅生門》，令聽眾接觸到一個十年嘅故事回憶同延續，大家對廣東歌嘅熱情依然有，原來廣東歌都有質素同追看性，其實出嚟反應好，大家都會好開心，就算出嚟反應唔好，其實製作過程入面，我已經得到咗快樂。」

不少網民指香港樂壇只有Juno才可以有能力用十年時間去打造三部曲，他透露：「十年係有個原因，如果《耿耿於懷》當年做完之後出《念念不忘》，都未必有相同結果，亦說服唔到我。無經歷過一段時間，點稱得上念念不忘？依家呢個安排我覺得係一種緣分。」

「東網巨星」fb專頁：

以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。

http://www.facebook.com/onccstars