吳卓羲分散投資搵銀　會同無綫傾續約

藝人吳卓羲（Ron）到伊館出席《世界和平小姐大賽》並擔任評判，Ron表示近日留在內地拍劇，回港反而感到不慣：「見到香港車牌睇唔慣，覺得好奇怪，飲食方面就冇乜特別，開工都係食飯盒，收工就返房。（之後長駐大陸？）唔會，想分散投資，無論大陸、香港，馬來西亞都有好大市場。」Ron表示跟TVB已於七月完約，現時是自由身，之前未有機會回港傾續約事宜，但TVB仍是其首選：「唔係唔傾，係之前一直喺大陸，未有時間坐低仔細傾。（覺得TVB小生流失？）開電視都仲見到好多人呀！（會畀其他同期藝員離開而影響決定？）唔會，都係睇自己意願，睇公司點舖排自己嘅發展。（主要視乎人工？）人工係要睇，但如果畀我出去有發展空間，比高人工更好。」

Ron再表示在TVB的存貨只剩下《梟雄》，播映時會盡力配合宣傳，TVB亦沒有因他未續約而不邀請他。