薛芷倫谷行事業線　揚言想搵另一半

名媛薛芷倫以低胸連身褲出席有份投資與名車合作的概念店開幕，兒子Justin和女兒馬桂珩亦有撐場，問到鮮有露面的Justin多少歲？她說：「二十幾歲啦，啱啱畢業，喺社會拎吓經驗先，如果幫daddy媽咪手就要遲啲先，個仔好多idea，個女就鍾意做運動同健康食物嘅嘢。（佢哋有無拍拖？）個女有個仔冇。（有無帶畀你過目？）我都有見過佢哋嘅男女朋友，唔好話過目，我哋相處好似朋友咁。（咁佢哋支唔支持你都拍拖？）梗係支持，如果我有個穩定嘅男友都會介紹畀佢哋識，不過都未有，同前夫分開後都未遇到個啱，不過緣份要發生就發生！」

她又表示不會催促兒女結婚，認為應先在事業上拚搏，汲取經驗，如果太早結婚，就會將心思放在另一半身上，應該趁年輕時闖一闖；她又自言會與子女分享自己的經歷，不論成功與失敗，也不會像傳統父母般嚴肅。