低胸晚裝鬥性感　羅霖搶陸詩韻「峰」頭

女藝人羅霖（Candy）及陸詩韻為《世界和平小姐大賽》擔任評判，兩人身穿低胸晚裝鬥晒事業線，令現場閃光燈不停。Candy表示近期不止一次為選美活動擔任評判，令她不禁回想當年選亞姐的往事：「知道佳麗要出場，會份外戥佢哋緊張，佢哋做得好，自己都會開心，好似自己選多次咁。（今次評選準則係？）笑容要大方，因為要宣揚和平，畀人感覺要舒服，當然身型靚都好重要，今次有好多來自歐美國家佳麗，但我都唔會偏心。」

提到打扮如此性感，似乎比一眾佳麗更搶鏡，Candy笑說：「唔會！佳麗有泳衣環節嘛！我呢套衫係設計師幫我造，我都好驚走光呀！好似好容易會跌落嚟咁，已經黐晒膠紙，但全晚都唔敢亂郁，要挺直做人。」