搵快錢咪入娛圈　B.Gs勸FFx轉行

近日女團FFx的MV成為全城熱話，為MK Pop添加了新的代表作，準備於年底推出首張EP的B.Gs卻無辜捲入風波，更被網民封為MK Pop女團一姐，工作不斷的B.Gs對此感詫異，笑言一姐之名太抬舉，不敢受封，但仍感激網民的支持。問到對紅爆MV有何評價？B.Gs說：「自己都係新人，大家同樣處於學習階段，唔敢作任何評論，但希望會有更多支持嘅聲音，令大家更有動力去進步！」

提到FFx成員哭訴身負重擔時，B.Gs就打破官腔口脗，勸她們考慮轉行：「外界好多觀眾都以為入娛樂圈，入樂壇可以搵快錢，其實正正相反，做藝人同做生意一樣，頭幾年係默默耕耘期，即使全身投入亦未必有收成。如果佢哋真係連基本生活都有困難，又好急切要搵錢畀媽咪醫病，經理人又爭人錢幫唔到佢哋，百行以孝為先，不如考慮一下其他行業，至少能夠多勞多得，收入亦能有預算。」

而B.Gs近年發展得非常順利，除了於國內完成過百場巡唱外，經理人公司及唱片公司又不停科水、上月更榮登新城國語力組合新人王。日前，她們更獲邀飛到法國拍攝香水廣告，現時廣告不斷的她們可謂豬籠入水！