印尼交流　邵珮詩着丘雪祺設計晚裝靚爆

時裝設計師丘雪祺（Cecilia Yau）早前獲香港貿發局邀請赴印尼雅加達宣傳香港設計，她以印尼傳統布料，融入自己獨特的設計，打造一襲集香港印尼特色的晚裝，由前港姐邵珮詩演繹，艷壓全場。

Cecilia說：「第一次採用印尼布料Batik做衫，由揀布到做衫，用咗三個月時間，係高級訂造同印尼傳統布料crossover，邵珮詩演繹得好好，行出嚟好有自信。（設計有冇難度？）布料有好濃厚傳統色彩，我將佢改頭換面，做到好唔同，加入喱士同雪紡，唔同布料會有新鮮碰撞，出嚟效果好多人讚，個個都同我影相。」同行的前港姐朱玲玲亦有合照留念呢！首次到雅加達的Cecilia大讚當地人友善，此行更認識不少朋友。貿發局是次還邀請了兩位米芝蓮大廚隨團出發，為各人炮製一頓米芝蓮美食，令她大享口腹之欲。