林夏薇孖老公蜜遊意大利　歎到呢！

無綫小花林夏薇早前在劇集《收規華》中的演出獲激讚，自然心情大靚要獎勵一下自己。近日她與身家逾20億的上市公司董事老公莫贊生（Jason）到意大利度蜜月，夏薇越洋受訪時表示此行主要是做「跟得夫人」，因老公要到意大利開會，因此順道留幾天Shopping，提到兩公婆被發現穿梭名店，夏薇笑說：「知道呢排有Fashion Week，所以嚟行下，吸收新潮流資訊，但冇乜買嘢呀！（老公好似幾怕醜咁？）係呀！佢唔慣面對鏡頭。（順便造人？）有時間都周圍行吓啦！老公又要開工，我哋呢方面唔急嘅。」

夏薇表示兩人都喜歡藝術，會抽空行博物館及欣賞名畫《最後的晚餐》。對於在微博上載了一張索爆泳裝背影照，夏薇笑言是由老公操刀：「佢好好呀！幫我影咗好多靚相。」