林嘉欣做王菀之阿媽:我都好安慰

20150930
東網電視
更多新聞短片
林嘉欣(中)飾演王菀之阿媽,令佢笑言Ivana係佢從影以嚟最大嘅女!
藝人林嘉欣、歌手張敬軒及王菀之(Ivana)出席拉闊音樂劇場版記者會,三人先會聲演廣播劇,而音樂劇則是由廣播劇中延伸出來。
王菀之自嘲似阿爸
受訪時,Ivana表示對上一次與軒仔舉行的拉闊音樂會已是十年前,這次特別之處就是加入了戲劇元素,紀錄了兩人戲劇上的成長。提到嘉欣將飾演Ivana母親,Ivana搞笑地說:「我真人係比較似阿爸,但劇入面嘉欣係插畫師,我就似佢畫嗰隻象!」軒仔亦在旁插嘴說:「一睇就知唔係順產!」而嘉欣表示Ivana是自己從影以來最大的女兒,又大讚對方可愛:「係一個緣份嚟,雖然劇入面會時空交錯,但有個咁嘅女我都好安慰。」
嘉欣一口答應演出
而劇中Ivana與軒仔飾演青梅竹馬,Ivana更搞笑地強調「在劇中」暗戀軒仔,軒仔亦說:「劇入面我都對佢有意思,其實我同Ivana做劇已經好熟識,因為我哋一、兩年就有合作,今次最值得期待就係加埋嘉欣!」兩人表示一開始傾談時大家異口同聲表示希望邀請嘉欣參演,Ivana更大讚嘉欣有氣質和文藝氣息:「好似任何嘅戲,由浪漫到好緊張嘅,一諗嘉欣嘅氣場佢都會fit到,好多變!」軒仔則謂當初是膽粗粗邀請嘉欣,誰知對方一口答應。
而嘉欣就坦言平日很少聽歌,但近幾年亦留意到軒仔及Ivana在戲劇上的演出,大讚他們演戲有敏銳度。雖然是音樂劇,不過嘉欣就笑言不會開金口:「只要唔好叫我唱歌就得,我一諗唱歌就會面紅,好怕醜!」