謝婷婷唔知鋒菲傳婚訊：佢開心咪得

藝人謝婷婷出席活動時，被問到有傳其胞兄謝霆鋒將與王菲結婚？她回應：「係咩？冇人同我講，冇聽過。好多傳聞我都唔會特別問佢，係真嘅話佢自己會同我講。（想唔想佢再次成家立室？）佢開心咪得，不過睇佢心情、做嘢、同家人相處、同小朋友，各樣都平衡得好、處理得好，應該幾開心。結婚都只係一張紙同戒指，真係愛嘅話，結唔結婚都OK。」

無同爸爸過中秋

而問到婷婷於中秋節有沒有與王菲見面？她回應：「冇，我連爸爸（謝賢）都冇見，反而同auntie嘅11歲小朋友一齊玩燈籠。（如果有喜事咪仲開心？）係，有邊個唔想？有喜事梗係開心。（霆鋒前妻張栢芝祝福霆鋒同王菲喎。）佢一向都好正面，佢嘅鼓勵唔出奇。（姪仔Lucas同Quintus支唔支持霆鋒再婚？）我自己嘅父母都試過分開。其實只要錫嗰個人，見到佢開心就得，要解釋都唔易令佢哋理解。」