楊紫瓊自爆婚禮零計劃:我哋好瀟灑

[16:44] 02/10/2015
東網電視
更多新聞短片

國際影星楊紫瓊(Michelle)現身灣仔參與鐘錶展,甫進場已引起不少入場人士圍觀,而身穿迷你短裙的Michelle,大騷俢長美腿,非常誘人!

Michelle表示近日忙於拍攝新一季美劇《絕地反擊》(Strike Back),更在家鄉馬來西亞拍攝,但身為東主的她,大嘆未能盡地主之誼,因早前印尼大山火,致馬來西亞的空氣污染非常嚴重:「本身想帶製作團隊周圍食嘢同玩,但走出去呼吸都好辛苦,加上有好多動作場面,大家都着到好厚,連我都差不多中暑。」

問到是否為應付動作場面,身形明顯纖瘦不少?Michelle表示:「係瘦咗!練嘢多咗!(瘦咗幾磅?)兩磅幾,但全部都係肌肉,日日同特技組操。十月中會為道路安全活動宣傳,會飛去紐約同巴西。」而問到法藉未婚夫Jean Todt可有到現場探班?Michelle表示:「有,去布逹佩斯拍外景,佢有去探班,大家都知佢係邊個,都好尊重佢。」她又笑言Jean非常囉嗦:「成日叫我食多啲休息多啲,搵替身,好似多咗個阿媽咁。(之後會唔會聽話減少工作?)拍完嘢會做少啲嘢!」

問到是否已籌備好婚禮?Michelle表示最少要待今年十一月過後,因其父親過世剛好一周年:「最緊要開心,搵到適當時間。(做好資料搜集?)唔做資料搜集,最緊要開心、簡單同冇壓力。(時間日期地點都未定?)未諗到,日日都變!(喺法國同馬來西亞搞?)佢家人少知己多,我就家人同知己都多,但香港一定有,因為我喺香港逗留時間,仲多過喺馬來西亞,當咗(香港)係自己人同家人,但朋友情願我去第二度搞,因為可以順便飛。(零計劃?)乜都未!我哋好瀟灑!」