藝人林家棟接受有線《星級會客室》節目訪問，分享演藝事業的辛酸史，初入行時已經演過好角色，當中有好多角色連對白都沒有，他說：「我曾經好灰心，灰到要搵Part Time維持生計，學人逐户拍門賣水貨波鞋，又試過做茶餐廳水吧、金融。」

放棄主持綜藝

其後他在主持綜藝節目時得到導演、監製賞識，但曾發生了一件不愉快的事，他說：「曾經有導演力薦我去拍一個節目，因為高層講咗句『佢二打六嚟喎！』最後拍唔成。當時我好沮喪，攬住阿媽大喊，我唔甘心，原來拍咗五年幾，周圍嘅人再欣賞你時都唔代表你有機會，於是我決心唔再拍綜藝。」

林家棟是一個飲水思源的人，他特別感謝人生中的伯樂：「萬梓良令我得到第一個舞台劇演出機會，仲有大台高層賞識我，令我有機會做男主角。」

台詞風波被誤解

談及《金像獎》台詞風波，問被批評言論欠尊重令嘉賓難堪有何回應？他澄清：「我嘅言論完全係冇惡意嘅，如果令到其他人唔舒服，我願意道歉。其實我哋原意係想用輕鬆、好玩嘅手法介紹候選名單，畀觀眾留下深刻印象。成件事係經過綵排嘅，可惜效果出到嚟唔係咁好。」