藝人馬國明出席《迎挑戰 齊向前 TVB48年》台慶亮燈活動，問到有傳他被無綫雪藏一事，他笑言：「我無問公司喎，不過如果每年5到9月都雪一雪都唔錯，因為夏天拍古裝劇真係好熱好辛苦，每年夏天雪吓都唔介意。我哋合作仲有多過一年，細節就無同我講嘞。」

談到陳凱琳和鄭嘉穎似乎相當之sweet，更有指有意舉行夢幻婚禮，對此馬國明表示：「如果佢哋真係結婚當然會祝福佢哋。不過佢哋無同我講，鄭嘉穎事業有成，乜都有係爭個老婆啫。（咁你呢？）我同佢爭好遠。」