反傳統！未婚宣萱爆畀父母催生B

藝人宣萱（Jessica）於中環為慈善活動擔任大使，身型纖瘦的她更晒出長腿示人，效果吸睛！聲沙沙的Jessica表示「一腳踢」兼任自己的經理人，故忙到作病：「作病作咗幾星期，自己打理自己工作。（傾工作價錢時不尷尬？）舒服ok。（畀人壓價？）一定有。（想開工作室？）唔會，遲啲有助手幫我，之後可以放假，十月尾先開工！」

她透露即將放三星期假期，期間會到英國探望朋友及到澳洲出席其表弟婚禮。問到她自己打理工作會否騰出更多時間拍拖？Jessica笑言不多談戀情狀況，但坦言父母早已放棄催促她成家立室：「佢哋放棄咗好多年，我爸90歲同我哋思想有距離，但佢都由叫我快啲拍拖結婚、變到講『其實唔使結婚都可以生BB』。（你會聽佢意見？）唔會，呢啲冇得急，生小朋友有責任。要逐步行，如果個天要畀我都冇辦法啦！（你係咪蜜運中？）都話唔講喇！」