再惹婚變揣測 石貞善疑翻撻前緋聞男友
20151004
東網電視
更多新聞短片
相信又會惹嚟唔少揣測呢～
一直傳婚姻亮紅燈嘅吳建豪（Vanness）同石貞善（Arissa）唔通真係冇得返轉頭？呢排去咗參加巴黎時裝周嘅Arissa睇嚟一啲都冇受婚變傳聞影響，玩得相當盡興嘅佢仲同成班設計師等時尚份子親密合照，除咗搭吓膊頭大晒友情之外，佢仲upload咗張眾人大合照，而喺張相入面Arissa仲坐喺其中一位男士嘅大髀上！！唔知係咪怕外界又亂咁揣測佢嘅感情狀況，呢張相已經畀Arissa秒速Delete咗！
原來呢位「坐得美人歸」嘅男士正正係王陽明嘅表弟王怡凱。二人喺大學就認識，Arissa同吳建豪結婚前，王怡凱已被傳介入二人感情生活，當時雖然佢否認做小三，不過佢哋就一啲都唔避諱，不時上傳親密照添！而且王怡凱亦有出席Arissa同Vanness嘅婚禮，三人仲有合照，形成一個「嬲」字！
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。