楊怡孖謙謙甜蜜遊台灣：係好事近！

藝人楊怡出席bb活動，直言喜歡小朋友的她表示有一個六歲的姨甥女，笑謂會蝦對方，說：「好鐘意搶佢啲嘢食，然後問佢可唔可同我Share！」被問有關年尾台慶頒獎典禮看好哪套劇集奪「最佳劇集」，她表示希望是有份演出的《收規華》，至於視帝視后的人選？她說：「視后我會投畀胡定欣，不過就叫屋企人投畀我，視帝就再睇多啲劇集先！」

旅行探男友班

早前被拍得與男友羅仲謙遊台北夜市，被問旅程是否開心？她說：「非常好玩，不過唔係你哋期望嘅嘢，今次係同朋友去玩，而謙仔喺台灣拍緊戲，我都有去探班！」又笑指知道被拍，六日的旅程中並未有與謙謙齊齊玩足，因對方需拍戲，反而是自己與朋友去玩，透露謙謙在當地逗留得比較長，可能有時間與其他朋友遊台灣。

至於是否補祝二人的生日？她說：「唔可以補祝架，媽咪話咁樣唔好，今次都係去玩！」至於前往探班，男友是否很開心？她笑謂：「有朋自遠方來當然會開心，咁我都係放吓假去玩！不過就遇着打風囉！（叫謙謙保護你？）唔使喇掛，我OK，吹唔走我！」她亦謂謙謙事前已知她到來。

奪獎考慮發表愛的宣言

二人被指好事近，楊怡搞笑的說：「係好事近，就到聖誕啦，如果台慶有獎就係好事！」至於若果在台慶頒獎典禮中獲獎，可會發表愛的宣言？她說：「睇緣份啦，如果有獎係上天賜畀我，會考慮，不過唔知有無機會！（攞獎會發表咩？）我好愛TVB！」提到羅仲謙奪獎的機會較大時，她說：「都係架。（謙謙會發表？）你要問佢啦。」至於會否期待男友發表愛的宣言，她又帶大家遊花園，說：「好多嘢都期待嘅，有期待先有希望架麻！」

「東網巨星」fb專頁：

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。

http://www.facebook.com/onccstars